هاى هية انتهت كل المواضيع

هاي هية انتهت كل المواضيع
شرد اكلب بعد وياك صفحة
يا صفحة البقت ظل بس الجلاد
وعلية عنوان حبك راح امسحة
اخذ الباب بيدك لمن تروح
وبعد لا ترجة من أدك نفتحة
ارض صحراء اصيرن وارتجي الموت
ولا اقبل تبوي بصدري مسحة
ما ظل بس جرح شتريد انطيك
اخذ هاك الجرح كبرلة جرحة
وضحك مو علي عل عايزة البيك
يمن ما فاد بيك الزاد ملحة
يمكن يصحى تمثالي ويحاجيك
وأكدلك ظميرك عيب يصحى
شلي بثوب النظيف تلبسة وياي
وسواد بروحك شما اطوي صفحة
ردتها العشرة حلوة تخلص وياك
ونعم خلصت ولاكن صورة ملحة
عندك عين تسحر من يصد ليك
ولاخرى بلا خجل فد نوب وكحه
ومو بل كوة بومه تصير طاوس
ولا خير شرط من كظلة سبحة
الليل اسود نعم بس يكتم اسرار
عكس وجة الصبح سرك يفضحة
خذيت دروس منك خلصت اجيال [list][*]