مدري شلون اشوفك..وانت جوه الروح

مدري شلون اشوفك..وانت جوه الروح
اشعار قصيرة

تضل ناقص عقل لو تحب مرتين
من اول مره تعثر لازم اتوب

كلب واحد بصدرك من يموت تموت
ما اعتقد عندك درزن كلوب

شمعه انت وغرامك خيط من نار
ومعروفه النهايه وياهو ليذوب

اذا مفتاح كلبك بالمحبه يضيع
انصحك من تطب لا تقفل البوب

العشك ثوب واذا ماينصح وياك
مو انت التنزعه ينزعك الثوب

,,,,,

الشافك بالوصف كض كلبه بيده اعليك
والشافك صــدك رد يبجــــــــــي من عندك

خصرك بالضبط مركز ثقل للعيــــــــن
ياعين التمرهه ماتقبـــل اتهــدك

خدك من يصير اكبال حلكــــــي يدوخ
شيظل بالحلك مــــن يوصل لخدك

,,,,,,

من اكتب شعر أنتضر صوره اتروح
حتّى اتشد اطار وترجع الصوره

ومن اكتب حزن طبشوري ينكط موت
اخلّي الكاع كلهه اتصير صبّوره

ومن اكتب غزل اعلن حظر تجوال
الأعمى لوسِمَعني ايغازل العوره .!!!

,,,,,,

مدري شلون اشوفك..وانت جوه الروح
واكول لروحي يمك خل توديني..

نص دين البشر.. لو رادو ايكملون
وانه الكملت وياك كل ديني..

تداوي الروح بيدك.. وبيدي امرض الروح
حته النوب ترجع هم تداويني..

يم العين اشوفك.. وانت ماموجود
احسك تمشي دم بنص شراييني..

واشوفك انت انه..وانه انت تصير
واذا اشتاكيت الي اصفن وحاجيني,

,,,,,,

خليني ابوسك من الشفاف
يا طعم التين كلي شلون اهدك

اذا انزل شبر مو اني مسؤول
وفنك لو تكولي هذا حدك

لا تسالني شسمك واني وياك
انسى الدنيا كلها واني عندك

خصرك خيط شمعه واصغر من الخيط
خايف تنكطع وشلون اشدك
[justify] farao