اريد افرح واعيش انة مثل الناس

ياحالة جروحي الغمجت من الضيم
ويا كلب البعد يتحمل جروحي
وياجفن التجرح من مصب العين
ويا راسي الخوة من ونتي ونوحي
ياجسمي النحل مابيه قدرة يكوم
هدنة المصايب وانثنت روحي

انثنة روحي على طاريك وسلات
وجرت دمعاتي بعيوني وسلات
وروحي بنوحي تونسني وسلات
كلبي بونة جروحي الخفية

ياليل المصايب ينكضة بالنوح
شيكضي الضلام وتطلع الكمرة
تعبني الونين وجذبت الحسرات
وصك صدري الحنين وخنكتة العبرة
اريد اصحة علة دهري واستقر وارتاح
كبل مايكضة كلبي وينكضة عمرة
اريد افرح واعيش انة سويت الناس
وافك سجن الدهر واحفر على الصخرة
عشت عمري بسجن ومغلج البيبان
شوكت تصبح الروح معززة وحرة

عمري بسجن كضيتة وخلاص
ولامرة صبح منصف وخلاص
زرعلي الغام بالشارع وخلاص

من واحد واطيح بحقل مية
حرت وسط الشوارع واذرع الكيعان
وشيكضي الشوارع مشيت جدامي
اتعب واكعد انة اتجة عالاهات
وارجع اوكف وانهض وارد حامي
وادور عالصديج الزين بس ملكيت
وماتنفع بعد لو شدن حزامي
كضة وكت المروة وماتت الضحكات
وبدة وكت الغدر ومناوش الدامي
بس توكع سجاجين الصديج اتصير
مية عليك بس ماشافتك خاوي
ويتبرة العزيز يدير وجهه عليك
وينكر كل صحبتي وعشرت ايامي

انة دوم وي خلي راحلاني
شعجب عن درب حبة راحلاني
ابشرك عمري خلص راحلاني
عيش براحة خاف الشين بية[center] farao